သက်ကျော်ရာကျော်ရှည်လို့ အပြုံးပန်းတွေပွင့်ဝေနိုင်ပါစေ…. အမေ

(၁)

ပြက္ခဒိန်တွေ တစ်ရွက်ပြီးတစ်ရွက်လွင့်ကျ

နှစ်တွေလည်း တစ်နှစ်ပြီးတစ်နှစ်ပြုတ်ကျ

မြန်မာပြည်ကြီးကတော့ ဆင်းရဲတွင်းထဲနစ်သထက်နစ်လို့

အခုဆိုရင် အမေ့အသက် (၆၃)နှစ်တောင် တိုင်ခဲ့ပြီ။

မွေးနေ့တွေတိုင်း အမေကတော့ အထီးကျန်နေဆဲ။

(၂)

အမေ့ရဲ့အသွင်ခန္ဓာ ပါးလျလျမှာ

ယုံကြည်ချက်ကတော့ ဖယောင်းလိုမပျော့

တိုးတိတ်ညှင်သာတဲ့ အမေ့ရဲ့အသံ

စိတ်ဓါတ်က သံမဏိလိုမာကျောလို့

အမေ့ရဲ့ခံနိုင်ရည်တွေကို ငါအားကျမိတယ်။

ကဲ…….. အမေ့ရဲ့မေတ္တာ

သမုဒ္ဒရာထက်မနက်ဘူးလို့ ဘယ်သူပြောနိုင်မလဲ……။

(၃)

စကားလုံးနဲ့ပင်နှိုင်းလို့မရ ငါတို့ပြည်သူတွေရဲ့ဆင်းရဲဒုက္ခ

အေးမြတဲ့အမေ့ရဲ့အပြုံးအောက်မှာ

မျက်ရည်တွေရစ်ဝဲ အမေ ၀မ်းနည်းနေမှာပါ။

အမေ့ရဲ့စကားတွေကတော့ ငြိမ်းချမ်းရေးကိုရှေးရူနေတုန်းပဲ

ဒါနဲ့များ…. ̏နေအိမ်အကျယ်ချုပ်˝ အမေနေရမယ့်နေရာလား…..။

(၄)

ဟိုး… အရင်တုန်းကပေါ့

တိုင်းပြည်ကနေထွက်ခွါ တိုင်းတစ်ပါးမှာ ပညာသင်ကာ

အေးချမ်းတဲ့ဘ၀တစ်ခု အမေပိုင်ဆိုင်ခဲ့ဖူးတယ်။

တိုင်းပြည်နဲ့လူမျိုးအတွက် အရေးကြုံလာပြန်တော့

ချစ်လင်ကိုစွန့်၊ သားတွေကိုစွန့်၊

ပျော်စရာမိသားစုဘ၀ကို ကျောခိုင်းလို့

နှလုံးပျောက်သူ စစ်အာဏာရူးလူတစ်စုကို

ဦးမညွှတ်ဒူးမထောက် ယုံကြည်ချက်အတိုင်း

အမိမြန်မာပြည်မှာ ဘ၀ကိုစတေးခံနေတာ

ဗိုလ်ချုပ်သမီးမပီသဘူးလို့ ဘယ်သူပြောမလဲ…॥။

(၅)

ငြိမ်းချမ်းမှုကိုငတ်မွတ်နေတဲ့

ငါတို့နှလုံးသားတွေအတွက်

ဘ၀နဲ့ရင်းတဲ့ အမေ့ရဲ့အကြင်နာ

အသက်သွေးပေးဆပ်ခဲ့သူတို့ရဲ့ဝိဉာဉ်နဲ့

ငါတို့တွေရဲ့မနက်ဖြန်အတွက်

အချိန်တွေကိုတိုက်စားရင်း ထုဆစ်နေဦးမှာပါ … အမေ။

(၆)

မျှော်လင့်ခြင်းများရဲ့လမ်းပြကြယ်

သစ္စာတရားရဲ့ပြယုဂ်

ငါတို့ဘ၀တွေအတွက် အားမာန်

စံပြုထိုက်သူ

အို……….. အမေ̏ ဒေါ်အောင်ဆန်းစုကြည်˝

သက်ကျော်ရာကျော်ရှည်လို့ အပြုံးပန်းတွေပွင့်ဝေနိုင်ပါစေ…………..။

ငြိမ်းချမ်းရေးဂျိုးဖြူငှက်တို့ တောင်ပံဖြန့်ကာ ကမ္ဘာကိုစိုးမိုးနိုင်ပါစေ………………..။