Atom Feed (xml)
စိတ်ရိုင်းတွေကို ဖယ်ရှားလှည့်ပါ
စူးစူးရှရှ ဒီခံစားချက်တွေကြား
ငါတကယ်ကို အသက်မရှင်ချင်တော့ဘူး……။
အကြင်နာတွေနဲ့ ယုယလှည့်ပါ
တိတ်တဆိတ် ဥပေက္ခာပြုမှုတွေကြား
ငါတကယ်ကို မပျော်နိုင်ခဲ့တာကြာပါပြီ……။
တန်ဖိုးထားလှည့်ပါ
ငါတကယ်ကို သည်းခံခြင်းနဲ့ကင်းဝေးခဲ့ပြီ…..။
ငါတကယ်ကို အရှုံးမပေးချင်တော့ဘူး ……။
ခိုကိုးရာမဲ့ ဒီမျက်ရည်စက်တွေ
သွေးတွေစီးတဲ့ ဒီရင်ခွင်ကို
ငါ မစွန့်လွတ်နိုင်သေးပေမယ့်
မင်းကတော့ ကမ်းကုန်အောင် ရက်စက်နိုင်တယ်ပေါ့......။
ဝန်ခံလိုက်စမ်းပါ
တကယ်တော့ မင်းက
အရှုံးပေးလိုက်ရမှာကြောက်တဲ့စိတ်နဲ့
အတ္တကိုမွေးမြူ လောဘကိုရှေ့တန်းတင်ပြီး
အဖိုးတန်တဲ့ နှလုံးသားတစ်စုံပျက်ဆီးဆုံးရှုံးသွားခဲ့သူ။
စိတ်ရိုင်းတွေကို ဖယ်ရှားလှည့်ပါ
Friday, June 6, 2008
Subscribe to:
Post Comments (Atom)
0 comments:
Post a Comment