စဉ်းစားပေးကြပါဦး....

ငယ်ဆူးအိမ်

အခုတလော မဟုတ်ပါဘူး ...... တော်တော်လေးတော့ ကြာနေပါပြီ ... “သူ” ငယ့်ရဲ့အာရုံတွေကို စိုးမိုးနေခဲ့တာလေ။ ငယ် ဘယ်လိုမှ မေ့လို့မရအောင်တော့ မဟုတ်ပေမယ့် အချိန်တိုင်းလိုလို တိုက်ဆိုင်မှု တိုင်းမှာ သူ့ကို သတိရနေမိတယ်။ ဒါဟာ ဆက်ကျော်သက်မို့ ခဏတဖြုတ် စိတ်ကစားသွားခြင်းလား။ သူ့ကို စိတ်ဝင်စားနေမိခြင်းလား ဒါမှမဟုတ် ချစ်မိသွားတာလား။ ငယ့်ရဲ့ခေါင်းထဲမှာ တစ်ခါမှမ၀င်ဖူးတဲ့မေးခွန်းတွေ၊ အတွေးတွေ အခုတော့ တစ်ခုပြီးတစ်ခု အမြဲတမ်းဝင်ရောက်နေတယ်။ အာရုံကို လာလာပြီး နောက်ရှုက်နေ တယ်။ ငယ့်ကိုယ်ငယ်လည်း ပြန်ပြန်မေးနေမိတယ်။ ဒါပေမယ့် အခုအချိန်ထိ အဖြေလို့ ထင်ရတဲ့၊ ကျေနပ်စရာ ကောင်းတဲ့အဖြေ ငယ် မသိသေးဘူး။ မေးခွန်းလေးက အရမ်းခက်တယ်လို့ မထင်ရပေမယ့် ငယ့်ကိုတော့ တကယ်ပဲ အခက်ကြုံစေတယ်။ ငယ့်ကို ကူစဉ်းစားပေးကြပါဦး.....။

ငယ် အဖြေရှာကြည့်တယ်။ ငယ် သူ့အကြောင်းတွေကို မတွေးချင်ပေမယ့် အတွေးတွေထဲကို အမြဲ တမ်းရောက်ရောက်နေတော့ စဉ်းစားမိတယ်။ စဉ်းစားလိုက်မိတိုင်းလည်း လွယ်လွယ်နဲ့ အတွေးတွေကို ဖြတ်လို့မရဘူး။ ဒါကို လူတစ်ချို့က ရောဂါရင့်နေပြီလို့ သရော်မလားမသိဘူးနော်။ ပြောရင်လည်း ခံရမှာပါ ပဲ..... ကိုယ်ကိုယ်တိုင်က ဘာမှကို နားမလည်နိုင်သေးတာလေ။ ငယ်က လှပါတယ်ဆိုတဲ့ အမျိုးအစားထဲမှာ မပါပေမယ့်၊ ဘ၀င်လည်း မမြှင့်တတ်ပေမယ့် ဘယ်တုန်းကမှ ဘယ်သူ့ကိုမှ (အထူးသဖြင့် မျက်နှာများ တယ်ထင်ရတဲ့ ရုပ်ဖြောင့်ဖြောင့် ကောင်လေးတွေကို) အတွေးတွေထဲမှာ ကြာကြာမထားတတ်တာ ငယ့်ရဲ့ အကျင့်ပါ။ အခုတော့ တစ်ယောက်ယောက်ကို ချစ်မိသွားတဲ့ ငယ့်ရဲ့စိတ်က ငယ့်ကို အနိုင်ကျင့်နေတယ်။

ငယ် ဘာကြောင့် သူ့ကို အရမ်းချစ်မိသွားတာလဲ။ အရမ်းချစ်မိသွားတယ်ဆိုတဲ့စကား သုံးရတာက တခြားတော့ မဟုတ်ပါဘူး။ ငယ်က သူ့ရဲ့အဝေးမှာရှိနေသည်ဖြစ်စေ၊ အနီးမှာရှိနေသည်ဖြစ်စေ အမြဲတမ်းပဲ သူ့အတွက် စဉ်းစားပေးတတ်လွန်းလို့ပါ။ သူ ငယ့်ကို မချစ်ဘူးလို့မဆိုလိုချင်ပေမယ့် သူ့ရဲ့လွတ်လပ်ခွင့်တွေ ကို ငယ် ဘယ်တုန်းကမှ ၀င်စွက်ဖက်ပိုင်ခွင့်မရှိခဲ့သလို ဘယ်တုန်းကမှလည်း သ၀န်တိုပိုင်ခွင့်မရှိခဲ့ပါဘူး။ အဆိုးဆုံးပြောရမယ်ဆိုရင် ငယ်ဟာ သူ့ထက်ငယ်ပေမယ့် သူ့ရဲ့အရှေ့မှာတော့ တကယ်ရင့်ကျက်နေတဲ့ သူတစ်ယောက်လိုပါပဲ။ အပင်ပန်းဆုံး အလုပ်တွေထဲမှာ ဟန်ဆောင်ခြင်းဆိုတာလည်း တစ်ခုအပါအ၀င် ဖြစ်မှာပါ။ ဒါပေမယ့် သူအမြဲတမ်း ပြုံးနိုင်ဖို့အတွက် ငယ်ဟန်ဆောင်နေရတယ်။ ဒါကို သူကတော့ သိမှာ တောင် မဟုတ်ပါဘူး။ တစ်ယောက်ယောက်ကို ချစ်မိသွားခြင်းက အရှုံးပေးခြင်းများလား။

နှလုံးသားတစ်စုံနဲ့ မျက်ရည်တွေကိုစတေးပြီး သူပျော်နိုင်ဖို့အတွက် ငယ်အမြဲတမ်း ကြိုးစားနေခဲ့ မိပေမယ့် ဘယ်တုန်းကမှ သူကျေနပ်မှုမရှိခဲ့သလို ငယ့်ရဲ့အချစ်တွေနဲ့ ထပ်တူကျတဲ့အချစ် သူပြန်ပေးဆပ်ဖို့ ငယ့်အတွက် စဉ်းစားမနေခြင်းပါပဲ။ ချစ်တယ်ဆိုတဲ့စကားကို သူလွယ်လွယ်ကူကူသုံးတတ်ပေမယ့် “မချစ်ပါ ဘူး” ဆိုတဲ့စကားလုံးကိုကျတော့ သူကောင်မလေးတွေကိုပြောရမှာ အရမ်းဝန်လေးနေတတ်တယ်။ အစွဲ အလမ်းကြီးပြီး ရူးရူးမိုက်မိုက် မချစ်ခဲ့ဖူးတဲ့ ငယ့်အတွက်တော့ အရမ်းခံစားရပါတယ်။ ဒီအတိုင်းဆိုရင်တော့ သူနဲ့ငယ်ဟာ တကယ်တော့ ဆန့်ကျင်ဘက် ဦးတည်ရာကိုသွားနေတဲ့ မြှားနှစ်စင်းလိုပါပဲ။ ဒါကို ငယ်မသိခဲ့ပါဘူး.........။

ငယ် ဘယ်သူ့ကိုမှ မမုန်းချင်ပါဘူး။ ဘယ်သူ့ကိုမှလည်း မမုန်းခဲ့ဖူးပါဘူး။ ငယ့်ရဲ့စိတ်တွေ ညစ်ထေး သွားမှာစိုးလို့၊ ကိုယ့်ကိုယ်ကိုယ် ပြန်ပြီးစိတ်ဒုက္ခပေးမိနေသလို ဖြစ်နေမှာစိုးလို့လေ။ ဒါပေမယ့် အခုတော့ ငယ် သူ့ကို အရမ်းမုန်းပစ်လိုက်ချင်တယ်။ ဒါမှမဟုတ် သူ့ဆီက “ငယ့်ကို မချစ်ပါဘူး”ဆိုတဲ့စကား မျက်နှာချင်းဆိုင် ကြားချင်တယ်။ တစ်ပြိုင်တည်းမှာပဲ သူ့ရဲ့အချစ်တွေကို ငယ်ပိုင်ဆိုင်ချင်တယ်။ သူ့ရဲ့အချစ်တွေကို ငယ် မျှော်လင့်နေမိတုန်းပါပဲ။

ငယ် ဘာကြောင့် သူ့ကို ချစ်မိသွားတာလဲ။ သေချာတာတစ်ခုကတော့ သူ ငယ့်ကို အရမ်းချစ်လို့ မဟုတ်တာပါပဲ။ ငယ့်ရဲ့ပျော်ရွှင်မှုတွေထက် သူ့ရဲ့စိတ်သာယာမှုကို ဦးစားပေးတတ်လွန်းတဲ့ သူပါ။ အချစ်တွေ ပေါလွန်းတဲ့သူမို့လည်း အချစ်ရဲ့အဓိပ္ပါယ်နဲ့ အချစ်ရဲ့လေးနက်ခြင်းကို မသိသေးတဲ့ သူတစ်ယောက်လို့ ပြောရင် လွန်မယ်မထင်ပါဘူး။ သူ့ရဲ့ သွင်ပြင်လက္ခဏာတွေကိုလည်း ငယ် မက်မောသွားခြင်းကြောင့်လား။ ဒါလည်း မဖြစ်နိုင်ပါဘူး။ သူဟာ ငယ်သဘောကျတဲ့ မင်းသားလေးတစ်ယောက်လို စွဲဆောင်မှုမရှိတာတော့ အမှန်ပါပဲ။ သူ့ရဲ့အပြောချိုချိုတွေကြောင့် ငယ်ရုန်းမထွက်နိုင်တာလားဆိုတာကတော့ ဝေးပါသေးတယ်။ ဘာဖြစ်လို့လည်းဆိုတော့ သူဟာ ဘယ်တုန်းကမှ ငယ့်ကို စိတ်ဝင်တစားစကားပြောပြီး အချိန်ပေးလေ့ မရှိ တာပါပဲ။ ကဲ.... ကူပြီး စဉ်းစားပေးကြပါဦး.... ငယ်ဘာကြောင့် သူ့ကို ချစ်နေမိတာလဲ။ အချစ်ဆိုတာ ဘာလဲ။