Atom Feed (xml)
ငယ်ဆူးအိမ်
ပဲ့တင်ထပ်ရင်ခုန်သံ
မျက်နှာများတဲ့ ကံကြမ္မာရဲ့မာယာတွေကြောင့်
မမျှော်လင့်ပဲ ဖေဖေနဲ့ဝေးခဲ့ရတဲ့
အိမ်မက်ဆန်သော နေ့ရက်တွေထဲ
တိတ်တိတ်ကလေး ဖေဖေ့ကိုလွမ်းစိတ်နဲ့ မျှော်လင့်နေမိတယ် ...
နွေးထွေးယုယ ဖေဖေ့ရင်ခွင်
အကြင်နာတွေကို လိုချင်တောင့်တမိတယ် ...
ပြောင်းလဲမြန်သော နေ့ရက်တွေထဲ
ဆုတောင်းတိုင်းလည်း မပြည့်တတ်ကြတော့
ဆုံဆည်းပါရစေလို့ စိတ်ထဲက ဆုတောင်းမိပေမယ့်
ဆုတောင်းရုံကလွဲပြီး မလွန်ဆန်နိုင်သော ကံတရားကြောင့်
အထီးကျန်သည့် နေ့ရက်တွေထဲ
မျှော်လင့်ခြင်းတွေနဲ့ ဖေဖေ့ကို လွမ်းနေဆဲပါပဲ ...
နှစ်လရက်တို့ အလီလီပြောင်းလဲ
ယခင်ဆန္ဒ ယနေ့ထိတိုင်
မြူတမှုံမျှမလျော့ ပင်တမာလိုမခါး
ပြောင်းလဲခြင်းမရှိ ဖေဖေ့ကိုချစ်နေဆဲပါပဲ ...
အစားထိုးဝင်ရောက်လာသူရှိသော်လည်း
နှလုံးသားကလက်မခံ အမုန်းများသာပွားခဲ့
အသိစိတ်နဲ့ထိန်းချုပ်တော့ ရင်မှာကြေလို့မွ
ဘာနဲ့မှ အစားထိုးလို့မရဘူး ဖေဖေ ...
ဖေဖေရယ်လို့
တမ်းတမ်းတတ ခေါ်ချင်ပေမယ့်
အနေဝေးတဲ့ သမီးအတွက်တော့ ဆန္ဒတစ်ခုပဲပေါ့ ...
ဒီနေ့၊ ဒီအချိန်၊ ဒီအရွယ်ထိ
ဖေဖေချစ်တဲ့သမီး
အရှုံးတွေကိုသာ ကံတရားကပေးနေတယ် ...
ဟန်ဆောင်မှုတွေများတဲ့ ဒီလောကကြီးထဲ
လူတွေကိုကြောက်ရွံ့ပြီး လွင့်ချင်ရာလွင့်နေတဲ့စိတ်
ပွန်းပဲ့နေတဲ့ နှလုံးသားတစ်စုံနှင့်
ဒုက္ခတွေမိုးမိတိုင်း... စိတ်ဓါတ်တွေအကျဉ်းချခံရတိုင်း
အိမ်မက်ဟောင်းတွေသာ ထပ်ခါထပ်ခါမက်လို့
ဖေဖေ့ကိုလွမ်းလိုက်တာ ဖေဖေရယ် ... ။ ။
<ငယ်ဆူးအိမ်>
2 comments:
ငယ်ရေ…
အဖေကိုချစ်တဲ့ သမီးလေးတစ်ယောက် အဖေနဲ့ ပြန်ဆုံစည်းနိုင်ပါစေလို့ ဆုတောင်းပါတယ်နော်။ မိဘဆိုတာ အစားရနိုင်တဲ့ အရာမှ မဟုတ်တာပဲ။ ငယ်ရဲ့ပထမဆုံး ပို့စ်မှာ မိဘကိုလွမ်းတဲ့ ကဗျာလေးကို တင်ထားတဲ့အတွက် ကျေနပ်မိပါတယ်။ သဲတုန်းကလည်း မေမေ့အကြောင်း ပို့စ်တင်ထားတယ်လေ။ ငယ်အစစအရာရာ အဆင်ပြေပါစေနော်။
ဒီကဗျာလေးကို ကိုမာန်လှိုင်းဆီမှာ ဖတ်ရတည်းက ကြိုက်ခဲ့တာပါ။ ဖေဖေနဲ့ ပြန်ဆုံဖို့ ဆုတောင်းနေတဲ့ ငယ်ဆူးရဲ့ ခံစားချက်ကို ကိုယ်ချင်းစာပါတယ်။ ဒါပေမယ့် ငယ်ဆူးကမှ ပြန်ဆုံရဖို့ မျှော်လင့်ချက်ထားနိုင်ပါသေးတယ်နော်…။ ဆုဝေဆို ဖေဖေနဲ့ ပြန်တွေ့ဖို့ ဘယ်လိုပဲ ဆုတောင်း ဆုတောင်း မပြည့်နိုင်တော့ပါဘူး။ အဲဒါကြောင့် သိပ်စိတ်မညစ်ပါနဲ့နော်…။ ငယ်ဆူးရဲ့ မျှော်လင့်ချက်တွေ တစ်နေ့ပြည့်ဝလာပါစေလို့လဲ ဆုတောင်းပေးနေပါတယ်။
Post a Comment